مابايجيني خير مابايجيني خير ولاباشـوف من بُعـدك سعاده أتعبني التفكـير وأشواقي لوصـلك في زيـاده والحُب كُلما زاد لاتقول لي اصبر أنا مقدر على نار البِعاد البُعـد لـه تأثير عالعُـشّــاق مـن يوم الــولاده والشرح والتفسير ماحقّـق لحـد منهـم مـراده وأهل الهوى شُهّاد لاتقول لي اصبر أنا مقدر على نار البِعاد غابت نجـوم الخـير وداهم حُـبّنا عام الرماده وضاع صوت الطير والصوت الندي غادر بلاده وازدادت الأحقــاد لاتقول لي اصبر أنا مقدر على نار البِعاد بتحمّـل التأخــير وبشرب قهوتي مُــرّه وساده وإللي يصير إيصير إذا بايجي حبيبي في معاده يافرحتي لاعـــاد لاتقول لي اصبر أنا مقدر على نار البِعاد لاتستمع للغــــير ودع كُـل منّنا يبلـغ مـــراده واحذر من التقصير وبعطيك الولا هي والقياده إن كنت عاشق جاد لاتقول لي اصبر أنا مقدر على نار البِعاد شعر ولحن خالد لحمدي